Joint DOJ-DOL-NLRB-EEOC Fact Sheet: Retaliation Based on Exercise of Workplace Rights Is Unlawful (Hmong)

Daim Ntawv Qhia: Kev Ua Pauj Chim Siab Rau Neeg Ua Hauj Lwm Hauv Chaw Hauj lwm Yog
Ib Qho Ua Txhaum Cai
Tsoom fwv tswj fwm lossis suaj ntsuam cov kev cai tiv thaiv cov neeg ua hauj lwm kom txhob raug
kev quab yuam thiab txhob raug kev tsis ncaj ncees li kev cai, txawm tias lawd muaj lossis tsis muaj
ntaub ntawv ua hauj lwm. Muaj coob leej ntau tus neeg ua hauj lwm tsis kam siv tej kev cai tiv thaiv
lawd vim tias lawd ntsai lossis txhawj xeeb tsam cov tswv ntiav neeg hauj lwm uas lawd ua hauj lwm
rau yuav rov ua phem lossis ua pauj kev chim siab rov rau lawd. Muaj qee zaus, cov tswv ntiav neeg
ua hauj lwm yuav hem lossis dag ntxias tias cov tswv ntiav neeg ua hauj lwm yuav foob cov neeg ua
hauj lwm mus rau tsoom fwv vim lawd tsis muaj ntaub ntawv ua hauj lwm kom lawv ntshai es lawd
thiaj tsis siv tej kev cai los tiv thaiv lawd. Cov kev cai lij choj teb chaws Amelikas no feem ntau txwv
cov tswv ntiav neeg ua hauj lwm kom tsis txhob muaj kev ua phem lossis ua pauj kev chim siab rau
cov neeg ua hauj lwm thaum lawd siv tej kev cai los tiv thaiv lawd tom chaw ua hauj lwm, txawm tias
lawd muaj lossis tsis muaj ntaub ntawv ua hauj lwm. Thaum muaj kev suaj ntsuam lossis tswj fwm
cov kev cai lij coj ntiav neeg ua hauj lwm, kev cai txwv tsis pub cov tswv ntiav neeg ua hauj lwm kom
txhob yuam cai lossis txhob muaj kev ua phem los ntxias dag rau cov neeg ua hauj lwm uas yog tsis
pub cov neeg ua hauj lwm siv kev cai tiv thaiv lawd lossis yuav ua pauj kev chim siab yog tias cov
neeg ua hauj lwm siv kev cai tiv thaiv lawd. Daim ntawv qhia no qhia meej tias kev ua pauj kev chim
siab rau cov neeg ua hauj lwm thaum cov neeg ua hauj lwm siv kev cai tiv thaiv lawd yog ib qho
txhaum kev cai lij choj, txawm tias lawd muaj lossis tsis muaj ntaub ntawv ua hauj lwm los xij.
Kev Ua Pauj Kev Chim Siab Nyob Hauv Tsab Cai Ntiav Neeg Ua Hauj Lwm (Fair Labor
Standards Act)
Tsab Cai Ntiav Neeg Ua Hauj Lwm (Fair Labor Standards Act (FLSA)) tsim muaj kev tiv thaiv cov
neeg ua hauj lwm kom tau txais tus nqi ua hauj lwm qis kawg thiab nqi ua hauj lwm tshaj sij hawm rau
coob leej ntau tus neeg ua hauj lwm nyob Amelikas, thiab kev suaj tsuam lossis tswj fwm cov kev cai
yog los ntawm tsoom fwv Wage and Hour Division. Txoj kev cai Ntiav Neeg Ua Hauj Lwm kuj txwv
tsis pub muaj kev ua pauj kev chim siab rau ib tus neeg twg uas tau foob mus rau tsoom fwv lossis tau
hais qhia rau tus tswv hauv lub chaw hauj lwm (hais lus qhia lossis sau ntawv qhia) lossis tau koom tes
nrog tsoom fwv thaum tsoom fwv tuaj tshawb nrhiav qhov tseeb. Kev tiv thaiv cov neeg ua hauj lwm
kom tsis txhob muaj kev ua pauj kev chim siab rau cov neeg ua hauj lwm thaum lawd siv kev cai tiv
thaiv lawd yog ib qho tseem ceeb heev rau tsoom fwv Wage and Hour Division.
Cov neeg ua hauj lwm uas tsis muaj ntawv tau tso cai hauj lwm los kuj muaj cai tau txais cov nqi ua
hauj lwm qis kawg thiab nqi ua hauj lwm sij hawm tshaj rau cov sij hawm tau ua hauj lwm ib yam li
cov neeg ua hauj lwm raws li txoj cai Ntiav Neeg Ua Hauj Lwm. Nws yog ib qho txhaum cai uas tus
tswv ntiav neeg ua hauj lwm rho neeg ua hauj lwm tawm los yog muaj ib qho kev sib cais saib tsis taus
rau cov neeg ua hauj lwm uas yog ua kev pauj kev chim siab vim lawd tau hais kom tau txais tus nqi
hauj lwm tsawg kawg los yog nqi ua hauj lwm tshaj sij hawm (uas kuj yog tag nrho cov nyiaj them
nyiaj xws li kev txiav nyiaj tawm lossis cov nyiaj pub dawb ua dej siab los ntawm cov neeg tuaj yuav
khoom) lossis kev koom tes nrog tsoom fwv thaum tsoom fwv tuaj tshawb nrhiav qhov tseeb. Cov kev
tiv thaiv no yog tiv thaiv txhuaj tus neeg txawm tias muaj lossis tsis muaj ntaub ntawv ua hauj lwm.
Kev piv txwv tias, nws yog ib qho txhaum cai uas tus tswv ntiav ua hauj lwm foob tus neeg tsis muaj

2
ntaub ntawv ua hauj lwm mus rau tsoom fwv uas yog txob txwm ua kev pauj chim siab vim tias tus
neeg ua hauj lwm tau mus foob kom tau txais nqi ua hauj lwm raws kev cai. Muaj qee qhov kev pab
rau cov neeg uas tsis tau ntawv tso cai ua hauj lwm kuj yuav tsawg thaum pom tau tias tus tswv ntiav
neeg ua hauj lwm tau ua kev pauj chim siab.
Xav paub ntxiv, thov saib ntxiv rau Daim Ntawv Qhia # 77A: Kev Txwv Tsis Pub Muaj Kev Ua Pauj
Chim Siab Hauv Tsab Cai FLSA lossis mus saib rau: http://www.wagehour.dol.gov. Kev foob hais txog
tsis tau txais nqi ua hauj lwm lossis tau nraug kev pauj chim siab los ntawm chaw ua hauj lwm, hu rau
tus xov tooj 1-866-4USWAGE (1-866-487-9243) , thaum lub sij hawm 8 teev sawv ntxov mus txog 5
teev tsaus ntuj nyob ntawm koj thaj chaw. Muaj neeg txhais lus thiab yuav tsis pub lwm tus neeg paub
koj.
Kev Ua Pauj Chim Siab Hauv Kev Cai Siab Xyuas Los Ntawm Tsoom Fwv Occupational Safety
and Health Administration
Tsoom Fwv Occupational Safety and Health Administration (OSHA) suaj tsuam lossis tswj fwm cov
kev cai kom tsis raug mob thiab kev noj qab haus huv thiab kev cai tiv thaiv neeg ua hauj lwm raws li
tsab cai cev Nyab Xeeb Chaw Hauj lwm thiab Kev Noj Qab Haus Huv (OSH). Tsab Cai OSH txwv tsis
pub cov tswv ntiav neeg ua hauj lwm ua pauj chim siab rau cov neeg ua hauj lwm vim lawd siv cov cai
tiv thaiv raws li Tsab Cai OSH. Cov cai tiv thaiv yog xws li kev foob rau tsoom fwv OSHA, koom tes
nrog tsoom fwv tuaj kuaj lossis tham nrog cov kws kuaj xyuas ntawm tsoom fwv, pab qhia kev mus
nrhiav cov ntaub ntawv hais txog qhov ua txhaum thiab raug mob ntawm lub chaw ua hauj lwm, hais
qhia kev raug mob, thiab hais txog kev txhawj xeeb kev noj qab haus huv hauv lub chaw ua hauj lwm.
Nws yog ib qho txhaum txoj cai rau tus tswv ntiav neeg ua hauj lwm uas rho neeg ua hauj lwm tawm
los pauj kev chim siab vim lawd tau tawm suab hais lossis koom tes nrog tsoom fwv OSHA lub caij
tsoom fwv OSHA tuaj tsawb fawb, txawm tias cov neeg ua hauj lwm no muaj lossis tsis muaj ntaub
ntawv ua hauj lwm los xij. Tsis tas li ntawv xwb, tsoom fwv OSHA kuj suaj ntsuam lossis tswj fwm
21 txoj kev cai ntxiv los tiv thaiv cov neeg ua hauj lwm uas tau tawm suab qhia txog kev ua txhaum
cuam tshuam txog kev cai noj qab haus huv huab cua, kev thauj koom, tsis tas li ntawv xwb kuj tiv
thaiv cov neeg siv lossis yuav khoom thiab cov neeg nqis peev ua lag luam. Cov neeg tsis muaj ntawv
tau kev tso cai ua hauj lwm kuj tau kev tiv thaiv raws txoj cai tiv thaiv kev ua pauj chim siab uas suaj
ntsuam lossis tswj fwm los ntawm tsoom fwv OSHA, tej zaum kev pab rau lawv kuj yuav tsawg dua.
Xav paub ntxiv, thov mus saib hauv rau OSHA: http://www.whistleblowers.gov (Hais ua Lus Mev yog
http://www.whistleblowers.gov/index_sp.html). Yog xav foob kev txhaum txog kev nyab xeeb hauv
lub chaw hauj lwm, thov mus saib hauv: http://www.osha.gov/pls/osha7/eComplaintForm.html (Hais
ua Lus Mev ntawm http://www.osha.gov/pls/osha7/ecomplaintform_sp.html); yog xav foob txog tswv
ntiav neeg ua hauj lwm tau ua pauj kev chim siab, thov mus saib hauv:
http://www.whistleblowers.gov/complaint_page.html (Hais ua lus Mev ntawm
http://www.whistleblowers.gov/complaint_page_sp.html).
Kev Ua Pauj Kev Chim Siab hauv Tsab Cai Muaj Vaj Huam Sib Luag Kom Tau Txais Ua Hauj
Lwm Ib Yam Nkaus Rau Cov Lag Luam Lossis Cov Chaw Hauj Lwm Tau Txais Nyiaj Ntawm
Tsoom Fwv Qib Siab Uas Yog Tsoom Fwv Department of Labor’s Office of Federal Contract
Compliance Programs Yog Tus Suaj Ntsuam lossis Tswj Fwm Tsab Cai
Tsoom fwv Office of Federal Contract Compliance Programs (OFCCP) suaj ntsuam lossis tswj fwm
cov kev cai lij choj txwv tsis pub muaj kev sib cais saib tsis taus nyob rau cov lag luam lossis chaw
ntiav neeg ua hauj lwm uas tau txais nyiaj los ntawm tsoom fwv (cov lag luam lossis cov chaw ua hauj
lwm es ua dej nwm rau tsoom fwv). Cov kev sib cais saib tsis taus yog muaj xws li caj ceg neeg, cev

3
qaij daim tawv, kev ntseeg ntuj ntseeg dab qhuas, poj niam lossis txiv neej (tag nrho cov poj niam cev
xeeb tub thiab cov neeg muaj mob), cov neeg yog poj niam ho xav txiv neej lossis txiv neej ho xav ua
poj niam (tag nrho cov neeg tau hloov cev txiv neej mus txia ua poj niam lossis poj niam mus txia ua
txiv neej), kev sib nyiam piv txwv li poj niam nyiam poj niam lossis txiv neej nyiam txiv neej, caj ceg
yug lub teb chaws twg, xiam oob qhab, lossis cov tub rog tau txais kev tiv thaiv. Tag nrho cov kev cai
uas tswj fwm los ntawm tsoom fwv OFCCP no yog txhaum kev cai thaum rho neeg tawm hauj lwm,
txo nqi them rau neeg ua hauj lwm, txhob txwm thab plaub lossis tsim kev txhov siab, lossis lwm yam
kev ua pauj chim siab rau tib neeg (cov neeg tuaj nrhiav ua hauj lwm, cov neeg ua hauj lwm, lossis cov
neeg ua hauj lwm yav dhau los) vim yog lawd tau foob kev sib cais saib tsis taus mus rau tsoom fwv
OFCCP, vim lawd hais rau lawd tus tswv ntiav ua hauj lwm lossis lwm tus neeg hais txog kev sib cais
saib tsis taus ntawm txoj hauj lwm, lossis vim yog lawd tau koom tes nrog tsoom fwv OFCCP (xws li
kev koom tes thaum tsoom fwv tuaj tshawb nrhiav saib lub chaw hauj lwm puas txhaum cai lossis
thaum tsoom fwv tuaj kuaj cov chaw hauj lwm uas ua num nrog tsoom fwv) lossis kev cuam tshuam
ntawm kev cai tsoom fwv, kev cai hauv lub xeev lossis kev cai hauv lub zos uas yog kev cai muaj vaj
huam sib luag ua hauj lwm. Kev txhaum cai ua pauj kev chim siab raws li kev cai tswj fwm hauv
OFCCP kuj yuav yog txhua yam ua phem rau ib tub neeg ua hauj lwm kom txhob mus foob txog kev
sib cais saib tsis taus. Cov cai no yog tiv thaiv txhua tus neeg txawm tias tus neeg ntawd muaj lossis
tsis muaj ntaub ntawv ua hauj lwm, tej zaum kev pab rau yuav tsawg dua rau cov neeg tsis muaj ntawv
tso cai ua hauj lwm.
Xav paub ntxiv, thov mus saib hauv OFCCP: http://www.dol.gov/ofccp lossis hu rau tus xov tooj 1-
800-397-6251. Xav foob hais txog kev sib cais saib tsis taus lossis kev ua pauj kev chim siab, mus
muab daim ntawv foob uas yog sau ua ntau hom lus ntawm OFCCP lub website.
Kev Ua Pauj Kev Chim Siab Hauv Tsab Cai Pej Xeem Muaj Vaj Huam Sib Luag (Title VII of
the Civil Right Act), Tsab Cai Tau Txais Nyiaj Hauj Lwm Ib Yam (the Equal Pay Act), Tsab Cai
Kev Sib Cais Saib Tsis Taus Ua Hauj lwm Vim Lub Hnub Nyoog (the Age Discrimination in
Employment Act), thiab Tsab Cai Saib Tsis Taus Vim Roj Ntsa Caj Ceg (the Genetic
Information Nondiscrimination Act)
Tsoom fwv Equal Employment Opportunity Commission (EEOC) suaj ntsuam lossis tswj fwm cov kev
cai uas tsis pub muaj kev sib cais saib tsis taus ua hauj lwm los ntawm cov tswv ntiav neeg ua hauj
lwm, cov chaw xa neeg mus ua hauj lwm, lossis pab pawg sawv cev rau cov neeg ua hauj lwm. Cov
kev sib cais saib tsis taus yog muaj xws li vim caj ceg neeg, cev qaij daim tawv, kev ntseeg ntuj ntseeg
dab qhuas, poj niam lossis txiv neej (tag nrho cov poj niam cev xeeb tub thiab cov neeg muaj mob), cov
neeg yog poj niam ho xav txia ua txiv neej lossis txiv neej ho xav txia ua poj niam (tag nrho cov neeg
tau hloov cev txiv neej mus ua poj niam lossis poj niam mus ua txiv neej), thiab kev sib nyiam xws li
poj niam nyiam poj niam lossis txiv neej nyiam txiv neej), caj ceg yug lub teb chaws twg, hnub nyoog
(40 xyoos lossis laus dua), xiam oob qhab, lossis roj ntsa caj ceg.
Tag nrho cov kev cai uas tswj fwm los ntawm tsoom fwv EEOC no yog txhaum kev cai thaum rho
neeg ua hauj lwm tawm hauj lwm, txo nqi them rau neeg ua hauj lwm, txhob txwm thab plaub lossis
tsim kev txhov siab, lossis lwm yam kev ua pauj chim siab rau tib neeg (cov neeg tuaj nrhiav ua hauj
lwm, cov neeg ua hauj lwm, lossis cov neeg ua hauj lwm yav dhau los) vim yog lawd tau foob kev sib
cais saib tsis taus mus rau tsoom fwv EEOC, vim lawd hais rau lawd tus tswv ntiav ua hauj lwm lossis
qhia lwm tus neeg hais txog kev sib cais saib tsis taus ntawm txoj hauj lwm, lossis vim yog lawd tau
koom tes nrog kev tshawb fawb lossis foob (xws li kev koom tes thaum tsoom fwv tuaj tshawb nrhiav
saib lub chaw hauj lwm puas txhaum cai lossis thaum muaj kev sib foob mus rau tsev tu plaub ntug).

4
Kev txaum cai ua pauj kev chim siab raws li kev cai tswj fwm hauv EEOC kuj yuav yog txhua yam ua
phem rau ib tub neeg ua hauj lwm kom txhob mus foob txog kev sib cais saib tsis taus. Cov cai no yog
tiv thaiv txhua tus neeg txawm tias tus neeg ntawd muaj lossis tsis muaj ntaub ntawv ua hauj lwm, tej
zaum kev pab rau yuav tsawg dua rau cov neeg tsis muaj ntawv tso cai ua hauj lwm.
Xav paub ntxiv, thov mus saib hauv EEOC: http://www.eeoc.gov. Xav foob txog kev sib cais saib tsis
taus lossis kev ua pauj kev chim siab uas tau ua rau koj, mus cuag tsoom fwv EEOC nyob ze ntawm
koj lossis hu rau1-800-669-4000. Tsis tas li ntawv, koj tuaj yeem ua cov ntaub ntawv foob hauv
http://www.eeoc.gov/employees/howtofile.cfm.
Kev Ua Pauj Kev Chim Siab Hauv Tsab Cai National Labor Relations Act
Pab Pawg Thawj Tswj fwm The National Labor Relations Board (NLRB) suaj tsuam lossis tswj fwm
tsab cai National Labor Relations Act (NLRA) los tiv thaiv cov neeg ua hauj lwm uas tsis yog ua hauj
lwm rau nom tswv lossis tsoom fwv kom muaj cai los sib sau ua ke, koom tes, tawm suab, lossis pab
lub koom haum dag zog (union), thiab kev sib txuas lus ua cov nqe kev cai hauv lub chaw hauj lwm
uas yog lawd tau xaiv tus neeg sawv cev hais lus, lossis zam tawm tsis koom tej num no. Cov neeg ua
hauj lwm kuj tuaj yeem koom tes ua ke nrog kev txhim kho cov ntsiab lus thiab cov xwm txheej ntawm
kev ua hauj lwm es tsis siv lub koom haum union. Tsab kev cai txwv tsis pub cov tswv ntiav neeg ua
hauj lwm cuam tshuam ua phem rau cov neeg ua hauj lwm vim lawd siv cov cai los sib sau ua ke,
koom nrog lossis pab lub koom haum dag zog los txuas lus nrog lub chaw ua hauj lwm los kho kev
them nyiaj hauj lwm lossis kev koom tes uas sawv daws los txhim kho cov ntsiab lus thiab cov xwm
txheej ntawm kev ua hauj lwm lossis zam tawm tsis koom tej num no. Zoo li ntawd, lub koom haum
dag zog tsis tuaj yeem ua phem cuam tshuam rau cov neeg ua hauj lwm yog lawd siv cov cai no.
Cov neeg ua hauj lwm uas tsis muaj ntaub ntawv ua hauj lwm kuj tau txais kev tiv thaiv hauv tsab cai
NLRA, kuj yog tag nrho kev tiv thaiv hais txog kev ua pauj kev chim siab. Tab sis, cov neeg tsis muaj
ntaub ntawv tso cai ua hauj lwm yuav tsis tau txais kev tiv thaiv kom lawd tus tswv ntiav neeg ua hauj
lwm rov txais lawd mus ua hauj lwm thiab yuav tsis tau txais cov nyiaj uas lub chaw ua hauj lwm tsis
them lawd yav tas los. Saib ntxiv cov nqi lus hauv qab no, Cov neeg ua hauj lwm uas tsis muaj ntawv
tso cai ua hauj lwm puas tau txais nyiaj them rov qab rau yav tas los?
Xav paub ntxiv, thov mus saib hauv NLRB: http://www.nlrb.gov. Xav foob txog kev sib cais saib tsis
taus lossis kev ua pauj kev chim siab uas tswv ntiav neeg ua hauj lwm tau ua lossis koom haum dag zag
tau ua, koj muaj kev xaiv mus foob. Koj tuaj yeem hu rau 1-866 667-NLRB (6572), uas yuav xa koj
mus rau lub chaw NLRB hauv ze koj. Koj kuj tuaj yeem mus ntsib lub chaw NLRB hauv koj lub zej
zog thaum lawd qhib ua hauj lwm los yog xa ntawv foob mus rau lub chaw NLRB nyob hauv koj zej
zog. Koj tuaj yeem nrhiav NLRB cov chaw thiab sij hawm lawd qhib rau https://www.nlrb.gov/who-
we-are/regional-offices, thiab daim ntawv mus foob ntawm https://www.nlrb.gov/resources/forms. Koj
kuj tuaj yeem xa ntawv foob rau NLRB
https://apps.nlrb.gov/eservice/efileterm.aspx?app=chargeandpetition
Kev Ua Pauj Kev Chim Siab Hauv Tsab Cai Neeg Tuaj Lwm Lub Teb Chaws Tuaj thiab Neeg
Nyob Teb Chaws No thiab Cov Kev Cai Muab Ntaub Ntawv Rau Neeg Tuaj Rau Teb Chaws No
(Immigration and Nationality Act and Certain Nonimmigrant Visa Programs)
Tsoom fwv Lub Chaw Hauj lwm Ntawm Pab Pawg Tshwj Xeeb Saib Xyuas Kev Tsis Ncaj Ncees Ua
Hauj lwm Cuam Tshuam Txog Neeg Tuaj Teb Chaw no (The Office of Special Counsel for
Immigration-Related Unfair Employment Practice (OSC)) uas nyob rau hauv Civil Rights Division
ntawm Lub Chaw Hauj lwm Saib Xyuas Kev Ncaj Ncees yog tswj fwm lossis suaj tsuam cov kev cai
tiv thaiv tsis pub muaj kev sib cais saib tsis taus ntawm Tsab Cai Neeg Tuaj Lwm Lub Teb Chaws Tuaj

5
thiab Neeg Nyob Teb Chaws No (Immigration and Nationality Act). Nqe kev cai no txwv tsis pub cov
tswv ntiav neeg ua hauj lwm muaj kev sib cais saib tsis taus uas ntiav neeg ua hauj lwm, tshem neeg
tawm hauj lwm, lossis sau nqi thaum nrhiav neeg lossis coj neeg mus nrhiav hauj lwm txawm yog lawd
muaj ntaub ntawv ua hauj lwm lossis tsis muaj; sib cais saib tsis taus thaum ntiav neeg ua hauj lwm,
tshem neeg tawm hauj lwm, lossis sau nqi thaum nrhiav neeg ua hauj lwm vim lawd cov caj ceg neeg
uas yog tsoom fwv EEOC cov cai tsis tiv thaiv lawd; kev sib cais saib tsis taus thaum lub caij tab tom
saib seb tus neeg tuaj nrhiav ua hauj lwm puas muaj ntaub ntawv ua hauj lwm (Daim Ntawv I-9 thiab
kev saib xyuas seb puas muaj ntaub ntawv ua hauj lwm) vim tus neeg ua hauj lwm ntawd nws caj ceg
neeg lossis nws yog neeg yug teb chaws no lossis tsis yog, thiab kev ua pauj kev chim siab lossis kev
hais lus phem hais lus nyhav rau ib tus neeg tau foob mus rau tsoom fwv OSC, koom tes nrog OCS
thaum muaj kev tshawb fawb puas txhaum cai, tawm suab qhia tias tej yam ua li ntawd yuav txhaum
txoj cai, lossis tau siv kev cai tiv thaiv tus kheej, lossis lwm yam nyob rau nqe kev cai tiv thaiv ntawm
INA.
Xav paub ntxiv, hu rau OSC ntawm 1-800-255-7688, lub sij hawm 9 teev sawv ntxov mus txog 5 teev
tsaus ntuj nyob rau teb chaws Amelikas sab hnub tuaj (TTY rau cov neeg tsis hnov lus zoo: 1-800-237-
2515). Yuav tiv thiav tus neeg hu tuaj kom lwm tus txhob paub tias nws yog leej twg thiab muaj neeg
txhais lus. Koj tuaj yeem mus saib hauv http://www.justice.gov/crt/about/osc yog xav paub ntau ntxiv
txog OSC thiab cov kev cai. Xav foob, mus saib hauv http://www.justice.gov/crt/filing-charge.
Tsoom fwv Wage and Hour Division suaj tsuam lossis tswj fwm kev cai tiv thaiv cov neeg ua hauj lwm
uas yog H-1B (cov neeg muaj txuj ci siab ua hauj lwm es tos tuaj ua hauj lwm ib ntus), H-2A (cov neeg
tos tuaj ua hauj lwm ua liaj ua teb ib ntus), thiab H-2B (cov neeg tsis yog ua liaj ua teb es tos tuaj ua
hauj lwm ib ntus) uas yog tau ntaub ntawv nyob ib ntus (nonimmigrant visa programs). Cov tswv ntiav
neeg ua hauj lwm uas txais lossis ntiav cov neeg H-2A thiab cov neeg H-2B tsis pub kom muaj kev
hais lus phem hais lus nyav, yuav muab lawd ntaus lawd tua, ua phem txwv tsis pub mus qhov twg,
yuam ua qhev, npaj yuav ua phem rau, rho tawm hauj lwm, lossis cais saib tsis taus rau tus neeg uas tau
foob rau tsoom fwv, tau ua pov thawj lossis tab tom ua pov thawj hais cov plaub, sab laj nrog cov kws
lij choj lossis sab laj nrog cov kev pab cuam kev cai lij choj, lossis tau siv cov cai tiv thaiv raws cov
kev tiv thaiv ntawm cov cai lossis cov cai INA los tiv thaiv nws tus kheej lossis lwm tus neeg. Cov
tswv ntiav neeg ua hauj lwm yuav tsis pub ua pauj kev chim siab lossis cais saib tsis taus rau cov neeg
ua hauj lwm H-1B uas qhia txog lossis nthuav tawm kev ua txhaum lossis koom tes qhia txog cov kev
txhawj xeeb uas cov tswv ntiav neeg ua hauj lwm tsis ua raws cov kev cai.
Xav foob vim muaj kev ua pauj chim siab rau cov neeg tau ntaub ntawv nyob ib ntus (nonimmigrant
visa programs), hu rau 1-866-4USWAGE (1-866-487-9243) , thaum 8 teev sawv ntxov mus txog 5 teev
tsaus ntuj lub sij hawm hauv koj thaj chaw. Muaj neeg txhais lus thiab yuav tsis pub lwm tus neeg
paub koj yog leeg twg.
Cov neeg ua hauj lwm uas tsis muaj ntawv tso cai ua hauj lwm puas tau txais nyiaj them rov qab
rau yav tas los?
“Them Nyiaj Rov Qab” yog muaj ob nqe uas them cov nyiaj: (a) cov nyaij los them zog ua hauj lwm,
thiab (b) cov nyaij muab los them cov caij nyoog uas pom tau tias tus neeg ua hauj lwm yuav ua yog
tias tus tswv ntiav neeg ua hauj lwm tsis nrho tus neeg ua hauj lwm tawm. Cov neeg ua hauj lwm uas
tsis muaj ntawv tso cai ua hauj lwm puav leej muaj cia ua ntej tshaj lossis yog cov xub tau txais cov
nyiaj them nqi ua zog rov qab, lossis cov nyiaj them nqi zog rau cov sij hawm lawd tau ua hauj lwm,
nrog rau lwm yam kom raws li cov kev cai nyob rau txoj cai dag zog thiab kev ua hauj lwm.

6
Kuj yuav muaj kev txwv txog nqe kev them nyiaj rov qab thib ob, lossis cov nyiaj them cov neeg ua
hauj lwm tsis muaj ntawv tso cai ua hauj lwm uas yog cov sij hawm lawd tsis tau ua cov hauj lwm.
Lub Tsev Hais Plaub Siab Kawg Nyog teb chaws Amelikas no tau txiav txim nyob rau rooj plaub
Hoffman Plastic Compounds, Inc. v. NLRB, 535 U.S. 137 (2002), uas hais tais NLRB tsis tuaj yeem
muab cov nyiaj them rov qab rau tus neeg tsis muaj ntawv tso cai ua hauj lwm uas yog nws tau raug
tshem tawm hauj lwm tsis raws kev cai thaum tus tswv ntiav neeg ua hauj lwm ua pauj kev chim siab
vim nws tau koom tes nrog cov neeg ua hauj lwm los hais kev ncaj ncees ua hauj lwm. Nws yuav tsis
tau txais cov nyiaj them rov qab rau cov sij hawm uas nws yuav ua yog tias nws tsis raug tshem tawm.
Yog tias tus neeg tau txais kev tso cai ua hauj lwm es raug laij tawm tsis raws kev cai, tus neeg ntawv
tuaj yeem tau txais cov nyiaj them rov qab rau cov hauj lwm uas nws yuav ua yog tias tus neeg ntawd
tsis raug laij tawm. Tus neeg ua hauj lwm yeej yuav tau txais nyaij them rau cov hauj lwm lossis cov sij
haum nws tau ua, txawm tias nws muaj lossis tsis muaj ntaub ntawv ua hauj lwm.
Xav paub ntxiv txog kev pab, thov mus saib:
NLRB Pab Pawg Thawj Tswj Cov Ntawv Sau Tseg:
 	GC 15-03 Cov Txheej Txheem Hais Txog Cov Teebmeem Ntaub Ntawv Ua Hauj Lwm uas
Tshwm Sim Tsis Ncaj Ncees Los Ntiav Ua Hauj lwm
 	GC 98-15 Rov Txais Tuaj Ua Hauj Lwm thiab Them Cov Nyiaj Rov Qab rau Cov Neeg Raug
Cais Saib Tsis Taus Uas Tej Zaum Yuav Tsis Muaj Ntaub Ntawv Ua Hauj Lwm vim Tsoov
Fwv Pab Pawg Thawj Coj thiab Tsev Hais Plaub Tau Txiav Txim
 	GC 02-06 Cov Txheej Txheem thiab Kev Txiav Txim Rau Cov Neeg Tsis Muaj Ntaub Ntawv
Ua Hauj Lwm Tom Qab Rooj Plaub Hoffman Plastic Compounds, Inc.
Tsoom Fwv Wage and Hour Division Daim Ntawv Qhia #48: Cov Nqe Txeej Txeem Cov Kev Cai Dag
Zog rau Cov Neeg Muaj lossis Tis Muaj Ntaub Ntawv Ua Hauj lwm: cov nqe kev cai tswj fwm lossis
suaj ntsuam ntawm tsoom fwv Wage and Hourd Disivision tom qab kev txiav txim ntawm rooj plaub
Hoffman Plastics
Daim Ntawv No Kho: Lub 12Hlis, tim 10, 2015